ڕۆژا ئێکــشەمبی ڕێــککــەفتی (٢٠٢٥/٢/٢٣) ل زانکۆیا زاخۆ پرۆگرامەکێ تایبەت ژلایێ ڕێکخڕاوا (JobsKRD) یا کۆ گرێدایی (Kurdistan Foundation) بۆ قوتابیێن ئێکەمێن زانکۆ و پەیمانگەهێن زاخۆ هاتە پێشکێشکرن.
هەژیە بێژین، پڕۆگرام لژێر ناڤونیشانێ (Entrepreneurship being a Job Creator rather than a Job Seeker) ب سەرپەرشتیا ڕێزداران (گوهدار شێخۆ) سەرپەرشتێ ئیدارا سەربەخۆیا زاخۆ و (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، بۆ ماوەیێ حەفتیەکێ یێ بەردەوامبوو.
هاتە زانین؛ د پڕۆگڕامی دا، وانەیێن تیۆری و پراکتیکی ژلایێ ڕاهێنەرێن شارەزا و خودان شیان د بیاڤێن کارگێری و بازرگانی دا، خانم (ئاواز شەوکەت) ڕاهێنەر و شیرەتکارا کارسازیێ و (د. ٲلفن) پسپۆرێ کارگێری کار ڤە، دهاتنە پێشکێشکرن، بەرێزان بۆ قوتابیێن پشکدار، ب درێژی بەحس ل قوناغا پشتی زانکۆیێ کرن و چاوانیا لێگەریانێ ل کاری، هەروەسا دروستکرن و بهێزکرنا سیڤیێ خۆ، بۆ هندێ ئەو بشێن ب ئاسانی پشتی بدوماهیک هاتنا خواندنێ، کارەکێ باش د بازارێ دا بدەستخۆڤە بینن و ببنە خودان بزنسا خۆ یا تایبەت.
د ڕێورەسمێن دوماهیێ دا، پەیڤەک ژلایێ ڕێزدار (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان، بۆ قوتابیێن پشکدار هاتە پێشکێشکرن و بەرێزی د پەیڤا خۆ دا، ئامادەیی و پشتەڤانی خۆ و زانکۆیێ بۆ وان دیارکر و داخوازا سەرکەفتنێ بۆ خواست، پاشان باوەرنامە ل سەر پشکداران هاتنە بەڵاڤکرن.